عمر الغلا ما كان ترديد كلمات
ولا كان حرفن ضمته جملة بيوت

الغلا نبضن وحس ومعانات
يا نصفي الثاني ويا الشرب والقوت 

تعودت الظلم منك من العام الاول
كنت احسب ان البعد زود بك الشوق

لا زاد شوقك لي ولا اول تحول
ولا جت مراسيلك ولا شفت طاروق 

في انعكاسات المرايا
وانكسارات الحنين
واختلاجات الزوايا
يرقد الشوق الدفين




هاضني بالليل ذكرى
طيف محبوبن بعيد
قمت اكتب له واقرا
دمعة الحزن الاكيد




مدري يا خلي علامك؟
هل تحدتك الظروف؟
ما وقفت افهم كلامك
لجل اصدق اللي اشوف



داخلي يصرخ سؤال
هل تناسيت الوعود؟
ولا نستك الليال؟
وصرت يا خلي جحود؟





ولا غروك العواذل؟
وفرقوا بينك وبيني
وحال دونك الف حايل
وصار صعب انك تجيني؟




ان كان هذا هو السبب
با ودعك اخر وداع
وانسى خلك اللي حب 
وسمني (اكبر شجاع)

البرد ما هو برد جوك وجوي!

البرد هو برد المشاعر والاحساس

افرك يدينك في يديني وسوي

نفسك تبي تدفا وانا قول لا باس!!

المهاجر الجريح 

يا "جرح" يومــك عزوةً ساعة الضيق
نصّب لي الدَّلة تري خآطــــري ضآق

صبّحت اسلّي خاطـــري بـ/ التعاليق
و لا سلي قلبي و لا خاطـــري رآق

وشربت من بحر المواجع علي الريق
اداوي العـــلة "بعــلة" .. و لا فــآق

و الان جيتك بعــــدما فآضـــت الاباريق
و بعدمــــا ذنب المحبة علَــي حـــآق

قلبي تــــري تايه و عيّا لـــي اْيفيق
و كلما نهرته زاد فـ/ التيه و اشتآق

أبومحضار

يا مرحبا حيا الوجيه المطاليق

اللي لهم كل المواجيب تنساق

بيني وبينك يا رفيقي مواثيق

والود باقي ما توصفه الاوراق

لا عاد تشكي علتك للمخاليق

خل الجروح تطيب في وسط الاعماق

ولاغشاك الهم والغم والضيق

ارفع يديك لمكتفل كل الارزاق

هذا جوابي لك ولا فيه تحقيق

والعفو لا هو ما شفا قلب مشتاق

علمني الاخلاص بين الجانبين

علمني الاخلاص بين الجانبين

ان القلوب الميته تحيا بهم ..

وان الوفا يسكن قلوب الطيبين

وان الجفا يوجب كثير عتابهم ..

وان الامل يبقا امل رغم الحنين

مهما يطول الصد نبقا احبابهم ..

يا شادي الانغام ياللحن الحزين

جر اللحون اللي تنال اعجابهم..

يا ( أفلطون ) الشعر يا متفلسفين

يا ناظمين الشعر يا كتابهم ..

هل مركم طيف الهوى عبر السنين ؟

هل ذوقوكم من جحيم عذابهم ؟..

هل سهروكم والخلايق غافيين؟

والنوم ساكن جفنهم واهدابهم ؟..

هل اختبرتوا الآآآآه من جوف الانين؟

لا حشرجت فصدرونا بأسبابهم؟..

هل لمحتوا القهر في عين السجين ؟

مسجونهم من ظلمهم يشقا بهم..

ما هقوتي مثلي بشر تايه حزين

وكل السبايب صدهم وغيابهم ..

محاورة شعرية

محاورة شعرية بين أبو محضار وخالد الجنيدي

خالد الجنيدي
يا"ذا"المهاجر هات من صوبك علوم
      شفني مغيب وانتظر منك الاخبار

صنعاء اليمن واهل السعيده الى اليوم
       تشكي وتبكي من فراقك والاسفار

ياليت من سافر يعود الى القوم
     اهله وربعه ..رجعته سيل وامطار

يا اهل المروة والمعالي وزمزوم
    ردوا جوابي ..واقبلوا مني الأعذار





أبو محضار
واجب علي رحب وحيي وملزوم
    بالجيد ذي واصل وجانا من الدار

حيا بعود اصلي من الهند مختوم
    وايضا مع باقه من ورود وازهار

حال المهاجر حال من فارق النوم
    فرقا الوطن يا خوي نارن على نار


وانته معانا في حماها وفي الحوم
     ما ودك اللي يشرح الحال يا جار



خالد الجنيدي
رحبت يا وافي وتجلاك الهموم
      ياراس ذاك الحيد هّده وكبُار

جيتك وانا شاعر وبالشعر معزوم
     نسمر ونتبادل بالافكار والاشعار

اكبر ألم رحلة مفارق ومصدوم
    فارق محبينه وربعه والاقطار

والدمع من عينه على الخد مرسوم
        سافر وماوده يفارق ولو طار



ابو محضار
شاعر ومتعود على كثرة العوم
     واعرف مراسيها مع الوقت بحار

واجتاز انا دربي ولو صار ملغوم
     حتى ولو الحاسد مسوي لي احصار


كثر الالم يا خوك سوا بي وسوم
   ساهر طوال الليل والدمع مدرار

فرقا خليلي والمرابع ولرسوم
   واهلي وداري والنشاما ولنمار



خالد الجنيدي
فداك غربة عذبت كل مهموم
   وتفداك خزنه مابها غير دولار

وش مكسبك من غربتك غير محروم
   والعمر يجري ون زاد ينهار

سن الثلاثين انتصب شد الاعزوم
   روح قدا اهلك عود والقلب صبار

واترك بلاد الغير مادمت مذموم
    شفني عزمت اليوم عود بلاعذار

ابو محضار
ويفداك من يغلط على كل صمصوم
    ويفداك واحد ما عرف كلمة العار

وبالهون شف قلبي محطم ومحطوم
    لا تنبشوا بركان يتعب اذا ثار

في غربتي عايش على الصبر والصوم
    حتى العسل اتذوقه مثلما القار


في سجن في الغربة وبالحبس محكوم
    لا عاد تستأنف ترى الحكم جبااااار

وسلامتكم