سهران ليلي

سهران ليلي وغيري مهتني نومه
وانا اقاسي وما ذاقت عيوني النوم

والنفس تسلا ولو هي حيل مهمومه
لكن مع الشعر غابت كلها لهموم

يا ونتي ونة عزيز(ن) كان في قومه
واليوم ما عاد احد يرحم عزيز القوم

كم ناس تعذلني وزادت في الحشار ضرومه
من با يطفي نار لا شبت وزادت حوم

القلب صايم ولكن عن هواكم حرم الصومه
دايم وذكرى هواكم هاجسه في اليوم

شـهـادات حـبـك مـعـه يـا زيـن مـخـتـومه
خـتــم الـمـحـبـه مـعـمـد مـنـتـهي بـرقــوم

الـرقم (واحد ) ومـا فــي غـيـرك يـسومه
ما مـعـك مـن يـشـارك يـالغلا في السوم

مـن رام يـبـغـا مـحـلك زاد في وهومه
انته (لوحدك ) ومن غيرك انا ما روم

الظبي اللــــعـــوب

مسكين يا ناس من ضيع دروبه

وتاه ما بين الشوارع والدروب...

 ردته لشواق والنفس امغصوبه
ما قدر يبعد ولا هو شي طروب...

لا هب ذعداع الهواوي من جنوبه
تحمله ريح الموده من جنوب..

ضاع حسه واختلف يا ناس صوبه
من يلومه لا شكى عند الغروب..

 من يلومه لا ذكر ذيك اللعوبه
ساحر الخطوات كالظبي اللعوب

ان تكلم سالت الفاظه عذوبه
وان سكت ما في سكوته من عيوب..

 يستلف ريح الخزامى من طيوبه
والطرق لا سار فاحت بالطيوب..

ما فيه شي لو وصفنا با يشوبه
من حدود الراس لا اطراف الكعوب..

 ولو هله ما كان اسمه صرحوا به
كنت انا سميه (فتان القلوب ).. 

كان اللقاء صدفه ولا هيب امحسوبه
قد ذبت انا وياه وسط الحب ذوب..

وعاديت انا لجله وخضت اعتى حروبه
لاجله تساوى السلم عندي والحروب..

عهدن علي ما قول انا في الحب توبه
كان لا عاف النحل مجنى العلوب..

 

..

يا دواء المجروح

يا دواء المجروح يا طب العليل 

،،،، ،،،،  يا جنون الحب يا نسج الخيال

يا سكون الليل يا البدر الجميل

،،،، ،،،، يا حدود الحلم يا اكبر محال

ضمني في وحشة الليل الطويل

،،،، ،،،، داو قلبن يصرخ بنبضه تعاااال

ان بغيت الصعب ولا المستحيل

،،،، ،،،،  حاضر لعينك ورمشك يا غزال

وان غدا حملك على متنك ثقيل

،،،، ،،،، شلت انا حملك ولو يازن جبال

اعتبرتك صاحبي نعم الخليل

 ،،،، ،،،، واعتبرني أب يعطف عالعيال 

داخلي خفاق باحساسه يسيل 

،،،، ،،،،  ترتوي منه نقي صافي زلال

عنكم قلبي حلف ما با يميل 

،،،، ،،،،  ثابتن عالعهد لو طال المطال

ودي تشوف الحال

ودي تشوف الحال يا طيب الفال

حالي غدت بعدك تراها عديمه

اسهر طوال الليل والفكر رحال

بأجمل معاناتي واكبر غنيمه 

من هو قطع بين المواليف لرسال

حسبي على اهل الكذب واهل النميمه

يا عاذلين القلب من بعض لفعال

ما ظنتي حبه يسمى جريمه

حتى ولو ليل الجفا منهم طال

باكر تطل الشمس من خلف غيمه

صباح الورد

صباح الورد بعيونك

وبعيونك صباح الورد

وليفي نامت جفونك

ونا قاسي ظلام وبرد

يبات الليل مضنونك

ولا حوله بشر او حد

غدا ملكك ومرهونك

وصابر عالجفا والصد

عجيبه قصة شجونك

غريب الشوق ماله حد

اذا هليت بمزونك

سرت فيني بروق ورعد

على هونك على هونك

ترى العذال حطو سد

اشوف الكل يبغونك

لانه ما خلق لك ند

 

تدري فراقك لي مثل نزعة الروح !!

تدري فراقك لي مثل نزعة الروح ؟

وان ما دريت لزوم يا خل تدري ..

ان كنت ناوي  بعدي اليوم مسموح

والله يعين اللي صبر كثر صبري

يامن عليه الدمع جاري ومسفوح

يبقى غلاك مربع (ن) وسط صدري

لا تغرك الضحكه ..ترى القلب مجروح

ودواه عند اللي مبالغ بقهري 

ابسألك

ابسألك يا مصدر الهامي 

،،،،،،،،  من وين لك هالحلا والزين 

*هو ورثة اخوال و اعمامي ؟

،،،،،،،، ولا كسبته من الجدين 

*اتعبتني خليتني ضامي 

،،،،،،،، والماء اشوفه بشوف العين 

*وخليتني مأسور اوهامي 

،،،،،،،،والدمع جاري على الخدين 

*ما شوفك الا بأحلامي 

،،،،،،،، مثل القمر ليلة النصفين 

*واصحى ولا انت قدامي 

،،،،،،،، واصيح من فرقتك يا زين

القلب من فرقى المحبين قد ذاب

القلب من فرقى المحبين قد ذاب

،،،،،،،،   والعين هلت من لظى البعد دمعات

دنيا تفرق بين اصحاب واحباب

 ،،،،،،،،   وتقطع حبال الود واقوى العلاقات

لكن غلاكم حط في القلب اطناب

 ،،،،،،،،   متمكن (ن) مهما تطول المسافات

مصافحه أولى !!

 

مصافحه أولى !!

من  (  اختلاجات)الماضي ..وانعكاس الحاضر

والذكريات اللي بقت محفوره

والحب ذي باقي بقلبي زاخر

قادر بقلبي خبي المعموره ..

جينا نشارككم بما في الخاطر

فارس ولي في الشعر كمن دوره

ما قول قد غنا بشعري ( الساهر)

ولا صدح به بلبل ( الشحروره )

لكن حروفي كالنسيم العاطر

اقطف جناها من لطيف زهوره

واهدي شذاها للملاك الطاهر

اللي ملكني بغيبته وحضوره

نادر وصوفه في جماله نادر

خلا كبير العقل خارج طوره

حبيت اصافحكم بحرفي العابر

واتقبلوا شكري بأبلغ صوره

 

بدع وجواب بين ابو محضار والطيف المسافر

هذه الأبيات الشعرية أرسلها عبر الجوال

  الاخ الغالي / الطيف المسافر

وقمت بعد ذلك بالرد عليها واليكم أولا 

 البدع من الطيف المسافر

مني صباح الخير من بـدع القلـم

،،،، ،،،، باعداد ما لاحت نسانيس الريـاح

بالجيد بومحضار ذي قلبـه نسـم

،،،، ،،،، والحيد ما تهزه عجاعيج الريـاح

شف لي بطا دور على شاعر خصم

،،،، ،،،، وجيت مثل البحر لكنـي اجتيـاح

تعجبني الشعار ذي هـي كالعلـم

،،،، ،،،، عالي يرفرف كلمـا لاحـت ولاح

وهذا الجواب من أبو محضار

ها اتقاربوا صفوا قدم جنب القدم

،،،، ،،،، ورحبوا يا قوم بانـواع السـلاح

بأبيات محكومه ويسلم من نظـم

،،،، ،،،، الطيف ذي دبلوم في شعر الملاح

يا هاجسي ذي لا طلبته قال تـم

،،،، ،،،، يغرف علي من بحر يمتحها متاح

يالشاعر اللي جاب قافه من عدم

،،،، ،،،، لحنا نلبي الصوت لا حينا صياح

أخوكم أبو محضار

الفراق الصعب ،،

في حضورك يختلف معنى الحضور

،،،،، ،،،،، وفي غيابك كم تمنيتك جواري
 

وفي غيابك تذبل اوراق الزهور

،،،،، ،،،،، وفي حضورك تعشب ازهار البراري
 

سال حبك وارتوت به قاع بور

 ،،،،، ،،،،، واكتست اشجارها لون الخضاري
 

ملهمة قلبي المشاعر والشعور

 ،،،،، ،،،،، من عرفتك والمحبه هي شعاري
 

ومن عرفتك داخل اسوارك ادور

،،،،، ،،،،،  وصرت انا محسوب من ظمن الاساري
 

ما دريت القلب لي يعشق غيور

،،،،، ،،،،، لين شبت في الهوى نارك وناري
 

وانصهرنا داخل الحب الطهور 

،،،،، ،،،،،  وقبل اشوفك يالغلا صعب انصهاري
 

ابعدت دنياي عن طب الصدور

 ،،،،، ،،،،، والفراق الصعب ما كان اختياري
 

يوم ودعتك جرى دمعي عبور

،،،،، ،،،،،  وانت دمعك يالغلا عالخد جاري
 

ليت لي في بعدكم قلبن صبور 

،،،،، ،،،،،  كان بعت الشوق والخفاق شاري
 

لو نغيب ايام واسنين وشهور 

،،،،، ،،،،،  ما يعكر فرحتي طول انتظاري

يا بدايات الغرام ويا نهايات الالم

يا بدايات الغرام ويا نهايات الالم
يا نهايات السكوت ومبتدا فن الكلام




ويابداية حب من قبل انظلم
ويا نهاية درب غاشيه الظلام




جيت لك والصبر في ذاتي انهزم
وضاع قلبي في متاهات الزحام




شوف قلبي لا تقطع وانقسم
حسنك المطلوب وانت اللي ملام





لا ضحك سنك تبسم وابتسم
وغنت الورقا مع طير الحمام





ولا غشاك الضيق زاد الهم هم
وضاقت الدنيا مثل ضيق المسام





روف به ربك يجازي من رحم
ولم شمله قبل ما يصبح حطام

رح عند الذي غروك يا زين !!

دارت بنا الايام في ظرف شهرين
واتبدلت لوضاع.. حظي عصاني


وفرقت ليام ما بين قلبين
وتاهت سفننا ما رست عالمواني


رح عند الذي غروك يا زين
يمكن تلاقي عندهم قلب ثاني


لكن مثل قلبي انا شك تلقين
قلبن عطاك الود واكبر حناني


لجلك نسي حاله وخلا القريبين
عينه تشوفك دنيته والزماني


لكن رميتوا القلب منكم برمحين
واحد غرس نصله بوسط المحاني


والرمح ثاني قطع القلب نصفين
ولا زلت هذا الجرح منه أعاني


قل لي متى ناوي على حفل تأبين؟
من شان ندفن حب عيا يباني

وفكروت دعوتنا وما بين قوسين
يرجى حضور الكل وأد الأماني