عمر الغلا ما كان ترديد كلمات
ولا كان حرفن ضمته جملة بيوت

الغلا نبضن وحس ومعانات
يا نصفي الثاني ويا الشرب والقوت 

تعودت الظلم منك من العام الاول
كنت احسب ان البعد زود بك الشوق

لا زاد شوقك لي ولا اول تحول
ولا جت مراسيلك ولا شفت طاروق 

في انعكاسات المرايا
وانكسارات الحنين
واختلاجات الزوايا
يرقد الشوق الدفين




هاضني بالليل ذكرى
طيف محبوبن بعيد
قمت اكتب له واقرا
دمعة الحزن الاكيد




مدري يا خلي علامك؟
هل تحدتك الظروف؟
ما وقفت افهم كلامك
لجل اصدق اللي اشوف



داخلي يصرخ سؤال
هل تناسيت الوعود؟
ولا نستك الليال؟
وصرت يا خلي جحود؟





ولا غروك العواذل؟
وفرقوا بينك وبيني
وحال دونك الف حايل
وصار صعب انك تجيني؟




ان كان هذا هو السبب
با ودعك اخر وداع
وانسى خلك اللي حب 
وسمني (اكبر شجاع)