في حضورك يختلف معنى الحضور
،،،،، ،،،،، وفي غيابك كم تمنيتك جواري
وفي غيابك تذبل اوراق الزهور
،،،،، ،،،،، وفي حضورك تعشب ازهار البراري
سال حبك وارتوت به قاع بور
،،،،، ،،،،، واكتست اشجارها لون الخضاري
ملهمة قلبي المشاعر والشعور
،،،،، ،،،،، من عرفتك والمحبه هي شعاري
ومن عرفتك داخل اسوارك ادور
،،،،، ،،،،، وصرت انا محسوب من ظمن الاساري
ما دريت القلب لي يعشق غيور
،،،،، ،،،،، لين شبت في الهوى نارك وناري
وانصهرنا داخل الحب الطهور
،،،،، ،،،،، وقبل اشوفك يالغلا صعب انصهاري
ابعدت دنياي عن طب الصدور
،،،،، ،،،،، والفراق الصعب ما كان اختياري
يوم ودعتك جرى دمعي عبور
،،،،، ،،،،، وانت دمعك يالغلا عالخد جاري
ليت لي في بعدكم قلبن صبور
،،،،، ،،،،، كان بعت الشوق والخفاق شاري
لو نغيب ايام واسنين وشهور
،،،،، ،،،،، ما يعكر فرحتي طول انتظاري
ليست هناك تعليقات:
إرسال تعليق