رح عند الذي غروك يا زين !!

دارت بنا الايام في ظرف شهرين
واتبدلت لوضاع.. حظي عصاني


وفرقت ليام ما بين قلبين
وتاهت سفننا ما رست عالمواني


رح عند الذي غروك يا زين
يمكن تلاقي عندهم قلب ثاني


لكن مثل قلبي انا شك تلقين
قلبن عطاك الود واكبر حناني


لجلك نسي حاله وخلا القريبين
عينه تشوفك دنيته والزماني


لكن رميتوا القلب منكم برمحين
واحد غرس نصله بوسط المحاني


والرمح ثاني قطع القلب نصفين
ولا زلت هذا الجرح منه أعاني


قل لي متى ناوي على حفل تأبين؟
من شان ندفن حب عيا يباني

وفكروت دعوتنا وما بين قوسين
يرجى حضور الكل وأد الأماني